♪IPｻｲﾏﾙ（Tagalog）

Maririnig ‘nyo na ang radio sa inyong kompyuter.

Simula sa Marso 15 ay maaari nang pakinggan ang radio sa pamamagitan ng internet.
Sa serbisyong ito ay makakasama ang pitong radio stations sa Tokyo area.

Kung kayo ay may internet access at nakatira sa mga lugar ng Tokyo, Kanagawa, Saitama at Chiba prefectures, ay maaari ring mapakinggan ang radio sa pamamation ng kompyuter. 　Walang rehistrasyon na kailangan.

Pumunta lamang sa InterFM website at hanapin ang banner nito o kaya’y i-type ang http://radiko.jp.

Ang Ruta ng Konsultasyon para sa Influenza A

Ang Influenza A (H1N1) ay kabilang na isang palugit ng ordinaryong trangkaso kaya’t mahalagang ito ay gawan ng kaukulang hakbang at pagpapagamot para supilin ang paglala o paghawa sa iba.

Narito ang mga tamang pamamaraan sa pag-ubo na kailangang ugaliin para masupil ang Influenza A (H1N1) at pati na rin ang ordinaryong trangkaso.

*Takpan ang bibig at ilong ng tissue at ilayo sa mukha ng ibang tao kapag uubo o babahin.
*Itapon agad ang ginamit na tissue.
*Payuhan ang taong my sintomas katulad ng inuubo o bumabahin na magsuot ng mask o pantakip sa bibig.
*Kung tinakpan ang iyong bigbig kapag umuubo o bumabahin, o nilinis ang ilong, hugasan agad ang kamay.

Ang mga sumusunod ay mga karagdagang hakbang na kinakailangang gawin.

*Hugasan ang kamay at ugaliing mag-mumog pag-uwi ng bahay o kaya’y kapag humawak sa isang bagay na pampubliko.

*Hugasan ang kamay ng sabon na hindi bababa sa kinse segundo at patuyuin sa pamamagitan ng pagpahid sa malinis na tuwalya o anumang pampunas na pang-isang gamitan lang.

*Huwag lapitan o dumistansya ng 2 metro sa pasyenteng nahawaan ng sakit.

*Iwasan ang hindi kinakailangan o hindi masyadong importanteng paglalakbay sa mga naapektuhang lugar at mataong kalye.

*Maglaan ng sapat na panahon ng pamamahinga para mabawi ang lakas at mag-ibayo ang resistensya laban sa mikrobyo. Kumain ng tama at ipagpatuloy ang pangkaraniwang pamumuhay at iwasan ang mahawa.

And sintomas ng Influenza A ay may iba’t-ibang uri pero ang sintomas nito ay nahahawig sa isang pangkaraniwang trangkaso. Ang natatanging sintomas nito ay ang biglang pagkakaroon ng lagnat, pananakit ng katawan at sakit ng ulo at ang iba pa ay ang sintomas sa respiratoryo tulad halimbawa ng pag-ubo, pamamaga ng lalamunan, at sintomas sa pantunaw ng pagkain gaya ng pagtatae at iba pa.

Sa ilalim ng Batas ng Nakakahawang Sakit, tayo ay may obligasyong kumonsulta sa ospital at tumanggap ng tamang pagpapagamot. At kung may ibang taong pinaghihinalaan nahawaan ng sakit, siya ay dapat na manatili sa loob ng bahay at tumawag sa pinakamalapit na pagamutan para sa kanyang kalusugan.

Ang mga taong nanggaling sa bansang naapektuhan ng Influenza A, kasama na ang Mexico at Amerika, na may nararamdamang sintomas at lagnat sa loob ng sampung araw matapos makauwi, ay kinakailangang kumonsulta sa itinalagang opisina na nagbibigay serbisyo at payo para sa sakit na ito.

Para sa karagdagang kaalaman, bisitahin lang po ninyo ang InterFM website.

May grabeng sakit sa paghinga ang nahahalintulad sa sintomas ng trangkaso na naging laganap sa Mexico ngayong katapusan ng Abril 2009. Ito ay naging salot na sa bayan ng Mexico dahil sa dami ng namamatay sa trangkasong nagmula sa baboy.

Bukod dito, ang mga turistang nanggaling sa Mexico ay nahawaan na rin ng sakit na ito o pinaghihinalaang may senyales ng sakit na trangkasong nagmula sa baboy. Ang mga turistang ito ay galing sa iba’t ibang bansa kasama na ang Amerika at Canada.

Kaya sa mga nagpaplanong bumisita o bumiyahe sa Mexico, na hindi naman kakailanganin, ay pinakikiusapang ipagpaliban na muna.

Inanunsyo ng WHO na kapag ang baboy ay niluto ng husto, hindi ito magdudulot ng nasabing sakit dahil ang mikrobyo ay makukuha lamang kung hahawakan ang buhay na baboy. Ang mikrobyo ng Swine Influenza ay namamatay kapag pinainitan ito ng 71 degreeC o pataas.

Kahit may mikrobyo pa ang karne, ito ay madaling naaapektuhan ng asido at malaki ang posibilidad na namamatay din sa pamamagitan ng pagtunaw ng pagkain sa bituka ng tao.

May posibilidad na kumalat din ang Swine Influenza dito sa Japan o karatig lugar nito. Pwede nating pigilin ang pagkalat ng sakit na ito sa pamamagitan ng paghugas ng kamay, mag-mumog, gumamit ng mask at ibang pamamaraan na nahahalintulad dito.

Kailangang alamin ang tamang impormasyon tungkol sa sakit na ito at maging mapanatag sa pagtugon nito.

Bisitahin ang InterFM website para pa sa maraming impormasyon.